Euskara ikasteko diru-laguntzak ematen jarraituko du udalak
Aisialdiko begirale eta kirol entrenatzaile ikastaroak euskaraz egiteko bekak ere emango ditu udalak. Eskaerak dagoeneko egin daitezke.
Aitziber Arnaiz Hizkuntza Normalizazio Saileko teknikaria, eta Aiako Gazelumendi, saileko arduradun politikoa. Oiartzungo Udalak jakinarazi duenez, euskara edo euskaraz ikasi, hizkuntza hobetu edo erabilera sustatzeko diru-laguntza lerroak zabalik daude.
Aiako Gaztelumendi Hizkuntza Normalizaziok azaldu duenez, euskara ikasteaz gain, euskaraz ikastea ere bultzatu nahi du Oiartzungo Udalak.
78.000 euro banatuko ditu udalak, guztira. Honakoak dira diruz lagunduko dituztenak:
- 2023 Udako Euskal Unibertsitateak (UEU) antolatutako ikastaroak euskaraz egin izana.
- 2023-2024 ikasturtean euskara ikasteko eta hobetzeko ikastaroak.
- 2023an aisialdiko begirale edo zuzendari eta kirol entrenatzaile ikastaroak euskaraz egitea.
- 2023an arlo sozioekonomikoan euskararen erabilera sustatzeko ekimenak.
- 2023an Oiartzungo udalerriaz gaindiko eremuetan euskara sustatzen dabiltzan erakundeak.
Eskaera egiteko modua
Udalak berretsi duenez, irekita dago eskaera egiteko epea. Udalaren webgunean eskura daitezke oinarriak, Iragarki Taula-ko Dirulaguntzak atalean. Laguntza lerro bakoitzaren informazioan zehaztuta dago epemuga.
Gainera, gogorarazi dute 2023ko udan euskara ikasteko eta hobetzeko egindako ikastaroetarako laguntza eskaera egin daitekeela urriaren 2tik 16ra.
Eskaera horiek guztiak udaletxeko harreran edo telematikoki egin daitezke.
Informazio gehiago lor daiteke Hizkuntza Normalizazio Sailarekin harremanetan jarrita (943 49 38 42 zenbakira deituta, edo e-posta bidez).
