Arte Egunen barruan, Poesia Eguna gaur Oiartzunen. Goizean errezitaldia egin dute bertako eta kanpoko olerkariek.
Arte Egunen barruan, gaur Poesia Eguna Oiartzunen. Olerki artean joan da goiza, eguzki, itzal eta soro artean baita ere. Hego haizearekin. Hitz askeekin. Egunaren barruan, errezitaldia egin dute goizean, hiru eremutan: Aitzibarko soroan hasi dira, ondoren bidegorritik aurrera egin eta Uharte etxe inguruko zonaldean egin dute geldialdia; hirugarren eta azken geltokia, berriz, Olaldeko etxe arteko zelaia. Lehen biak itzal goxoan; azkena eguzkitan. Eguzkiak jo edo ez, poesia garaile. Giro ona izan da errezitaldietan, herriko eta kanpokoek parte hartu dute, bakoitza bere estilo eta egiteko nahiz esateko erarekin. Behean dauden argazkiak, goizeko errezitaldietan izan diren partaideak.
Lerrook idazterako orduan bazkarian izango dira bilduta olerkien zaleak, Bazkun Zahar elkartean. Arratsaldean, berriz, 18:00etan eta Arizmendienean, Ana Galarragak eta Pettik Frankenstein agurgarria ikuskizuna zabalduko dute. Ekaitza iritsiko balitz, udaletxera lekualdatuko lukete saioa.
Esandakoa: jarraian goizeko errezitaldiaren hainbat irudi, Aitziber Arnaiz Garmendiak HITZAra bidalitakoak. Oroitu: bihar da Arte Egunen azken jarduera, eliza inguruan azoka egingo dute bertako sortzaile eta artisauen azoka, 10:00etatk 14:30era.
