Larunbatean, XII. Muxiko Egunaz gain, dantza solte txapelketa egin zuten Gurutze Santuaren plazan. Herriko dantzariak, fin beste behin.

Lezoko santakrutzen larunbatean, dantzak festetan beharrezko eta ezinbesteko duen tokia izan zuen. Batetik, XII. Muxiko Egunaren barruko dantzaldia egin zuten Gurutze Santuaren plazan Lezoko Dantzazaleen ekimenez. Bestetik, arratsaldean jada, herriko erdiguneko plazak Dantza Solte Txapelketa jaso zuen, lezoarrak protagonismoarekin fandangoa eta arin-arina dantzan.
Txapelketan, irabazleak Onditz Esnaola (Lizartza) eta Jurgi Errandonea (Andoain) izan ziren. Baina haien segidan, Lezoko izen-abizenak: bigarren postuan Enara Artola eta Mikel Esnaola sailkatu ziren, eta hirugarrenean, Ihintza Erauskin lezoarra eta Danel Castillo sanjuandarra.
Santakrutzetan, era askotara, dantza beste behin. Ondoko irudiak horren seinale.