Donostiako suhiltzaileek emandako datuen arabera, gizon batena da gorpua. Hilotza dagoen tokira iristeko zailtasunak dituzte erreskate zerbitzuek.
Txoritokieta ingurukoa da honako irudia. 
Gizon baten gorpua aurkitu dute gaur Txoritokieta inguruan. Astigarragako eta Errenteriako mugek bat egiten dute inguru horretan. Bizilagun batek eman du abisua, eta Donostiako suhiltzaileak bertaratu dira lekura, gizona erreskatatzen saiatzera. Sarbide zaileko lekuan zegoen hilotza, hango gotorlekutik gertu, eta horregatik erreskatatu behar izan dute suhiltzaileek.
Suhiltzaileez gain, anbulantzia zerbitzua ere bertaratu da gunera. Ertzaintzaren helikopteroa ere inguruan izan da laguntzen. Gorpua erreskatatu, eta auzitegi medikuak beharrezko tramiteak egiten dituenean, Auzitegi Medikuntzako Institutura eraman dute gorpua, autopsia egiteko.
