Gol bakarrarekin nahikoa dute
OKEko bi futbol talde nagusiek etxean jokatu dute, eta emaitza berarekin irabazi: 1-0. Areto futbolekoek ere emaitza bera lortu dute.
Oiartzun KEko mutilen talde nagusikoak, larunbateko garaipena ospatzen. Bi futbol talde nagusiek Karla Lekuonan jokatu dituzte jardunaldiari dagozkion partidak. Jokatzen lehenak mutilak izan ziren, ezohiko ordutegian (larunbata, 11:00etan).
Elgoibarren bisita jaso zuten urdinek, eta indartsu atera ziren etxekoak. Erasoko jokaldi batean sartu zuten partidako gol bakarra, 26. minutuan.
Bigarren zatian ere nagusitasuna izan zuten oiartzuarrek, baina ez zuten ate aurrean asmatu, eta, ondorioz, partida itxi.
Emakumeek arratsaldean jokatu zuten. Defentsa-lana nagusitu zen Oiartzun eta Tolosaren artekoan, baina aukerentzako tartea izan zen. Talde bakoitzak bizpahiru izan zituzten, baina ahalegin guztiak hutsalak izan ziren… azken minutura arte.
Rebeccak Maiderren pase bat probestu, eta baloia sarera bidali zuen. Hiru puntuak, beraz, Ugaldetxon geratu ziren.
Areto futbolekoak, indartsu hasita
Areto futboleko lehenengo taldeak Tolosan jokatu zuen. Herrikide taldearen ahaleginak hutsaldu zituzten, goialdean presioa gogor eginez. Atsedenaldira 0-3 iritsi ziren.
Bigarren zatia antzera joan zen, eta oiartzuarrek laugarrena erdietsi zuten. Etxekoek ohorearen tantoa lortu zuten, eta azken minutuetan oiartzuarrek emaitza biribildu zuten (1-5).
Miren Tabernak ere bai bost gol lortu eta bakarra jaso zuen. Elorsoron hasi zuten liga, eta lehenengo zatian nagia izan zen nagusi, ez baitzen golik sartu.
Etxeko taldea 3-0 aurreratu zen, eta zaldibiarrek kontraeraso baten bidez lortu zuten aldea txikitzea. Oiartzuarrek bi gol gehiagorekin itxi zuten partida.
Emakumeen 3. RFEF Maila
- Oiartzun — Tolosa: 1-0.
Gizonezkoen Ohorezko Erregional Maila
- Oiartzun — Elgoibar: 1-0.
Emakumeen Euskal Liga
- Pauldarrak — Oiartzun B: 4-2.
Gizonen Lehen Erregionala
- Oiartzun B — Dunboa Eguzki: 4-1.
Emakumeen Ohorezko Erregional Maila
- Oiartzun C — Elgoibar: 1-0.
Mutilen Gazte Mailako Euskal Liga
- Dunboa — Oiartzun: 3-4.
Mutilen Gazte Mailako Gorengo Maila
- Mundaiz — Oiartzun B: 4-3.
Mutilen Gazte Mailako Lehen Maila
- Dunboa Eguzki — Oiartzun C: 3-4.
ARETO FUTBOLA
Gizonen Gipuzkoako Kopa
- Eskolapioak Herrikide — Oiartzun: 1-5.
Gizonen Gipuzkoako Bigarren Maila
- Miren Taberna OKE — Ausa Zaldibi: 5-1.
