Lezon izandako eraso matxista gaitzetsi du aldundiak
Aldundiak bat egin du Lezoko Udalaren adierazpenarekin eta nabarmen jarri indarkeria matxistaren jatorria "gizon eta emakumeen arteko berdintasun falta" dela.
Larunbatean Lezon izandako eraso matxista gaitzetsi du Gipuzkoako Foru Aldundiak. Adierazpen instituzionala egin du horren harira. Eraso duten emakumeari gertutasuna eta elkartasuna adierazi dizkio, baita haren senide eta hurbilekoei ere. Gainera, bat egin du Lezoko Udalaren adierazpenarekin eta nabarmen jarri indarkeria matxistaren jatorria “gizon eta emakumeen arteko berdintasun falta” dela, “emakumeak mendean eta kontrolpean izan nahi dituztenen jarrera eta ideia matxistak”.
Berdintasunaren aldeko aldarria egin du aldundiak, horrenbestez, “emakumeen eta gizonen arteko berdintasuna, bai eta pertsonaren duintasuna, sexu askatasuna eta osotasun fisikoa ere eskubide bortxaezinak dira, eta horien kontra doazen jokabideek ez dute lekurik gure gizartean. Indarkeria sexistarik gabeko kaleak, auzoak, udalerriak eta hiriak nahi ditugu”.
Nerea Isasi Berdintasuneko foru zuzendaria Gurutze Santuaren plazan 19:30ean egingo duten elkarretaratzearekin bat egingo duela jakinarazi du, eta herritar guztiei dei egin die parte har dezaten.
