Asteartean izango da urriko odol ematea
Oiartzungo odol emaileek bi hilabetean behineko zita izango dute asteartean. Ohi bezala, emaile berriak animatu dituzte.
Oiartzungo odol emaileak bi hilabetean behin geratzen dira, hain beharrezkoa den likidoa emateko. Hurrengo zitaren data finkatu dute: datorren asteartean izango da, hilaren 10ean.
Manuel Lekuona bibliotekan egiten ari dira odol emate saio horiek. Astearte arratsaldekoa, 16:30ean hasiko da, eta 20:10ean bukatuko daa.
Herriko odol emaileek jakinarazi dutenez, zita hartu beharko da lehenago. Horretarako 943 00 78 85ra edo 943 31 70 91 telefono zenbakietara deitu beharko da, asteartean bertan. 08:00etatik deitu ahal izango dela iragarri dute.
Oiartzuarrak animatu dituzte odola eman dezaten, eta beti bezala, odol emaile berriak behar dituztela jakinarazi dute. “18 urte badituzu eta 50 kilotik gora pisatzen baduzu, prest zaude odola emateko”, adierazi dute.
Abuztuaren 22ko datuak
- Odol emaileak: 35.
- Horietatik lehen aldiz eman dutenak: 1.
- Odol motak
- O+: 10.
- O-: 6.
- A+: 14.
- A-: 3.
- B+: 1.
- AB+: 1.
