Topoa lurperatzeko "lanean has dadin" eskatu dio PSE-EEk gobernu taldeari
Alderdi sozialistak topoa lurperatzeko "lanean has daitezela" eskatu die EH Bildu eta Elkarrekin Errenteriari, "aurrera urratsa egin dezaten eskatzen diegu, berehala".
Isaac Palencia Pse-EEren bozeramailea. argazkia: PSE-EE Alderdi sozialistak topoa lurperatzeko “lanean has daitezela” eskatu die EH Bildu eta Elkarrekin Errenteriari, “aurrera urratsa egin dezaten eskatzen diegu, berehala”. Komunikabideetara helarazitako prentsa oharrean “inplikazio falta” egotzi die gobernu taldea osatzen duten koalizio subiranistari eta alderdi moreari, eta hamabi urte alperrik joaten utzi izana ere egotzi die.
“Topoaren lurperatzea 2011n EH Bilduk alkatetza lortu eta Gipuzkoako Foru aldundian sartu zenetik dago geldituta, eta ez dugu ezagutzen zein den EH Bildu eta Podemosen proposamena”, dio PSE-EEren bozeramaile Isaac Palenciak. “Borondate eza” ere egotzi die bi alderdiei, “erabakigarria den proiektua bultzatzeko”.
Topoa lurperatzeko finantzazioa nola lortuko duten azaltzeko publikoki ere eskatu du sozialisten ordezkariak, ezinbestekoa da neurri zehatzak hartzea gure herriarentzat garrantzia bizikoa den gai honetan aurrera egiteko”.
