Alternatiben Oihartzuna egingo dute hilaren 21ean
Elikadura burujabetzan zein bestelako egitasmotan dabiltzanen topaleku izango da Alternatiben Oihartzuna. Herritarrentzako erakusleiho izango da.
Bazkarirako sarrerak salgai daudela jakinarazi dute. Alternatiben Oihartzuna iaz berreskuratu zuten, sei urte lehenago estreinakoz egin ondoren. Aurtengoaren data jarri diote: hilaren 21a.
Hala ere, larunbat hori ekitaldi nagusiak izango dituen eguna izango da. Film emanaldi bana egingo dituzte beste bi egunetan, hilaren 19an eta 30ean. Sarrerak eskuragarri daude.
Hilaren 21ean herri bazkaria egingo dute, eta txartelak salgai daudela jakinarazi dute antolatzaileek. Miren tabernan edota txokolategian eros daitezke, 10 euroren truke. Azkeneko eguna hilaren 16a izango da (datorren astelehena).
Hilak 19, osteguna
- Zure platerean hasten da mundua, dokumentalaren emanaldia. Ondoren, mahai-ingurua. Sarrera doan izango da; gonbidapena eskuratu behar da.
Hilak 21, larunbata
- Proiektu eta eragileen stand-ak. 10:30etik 14:00etara, Done Eztebe plazan. Parte hartuko duten eragileak: Labore Oarso, Elika Kooperatiba, Arraztalo, Argitturri, Abaraxka ludoteka, Irungo Harrera Sarea, Herrerako Sukalde Kolektiboa, Koop 57, Goiener, Izarkom, Euskal Herria Burujabe, Basoa Defendatzaileen Etxea…
- Goizean zehar haurrentzat: Utopia… zer Oiartzun nahi duzu? mural margotzea, Kontzejupe plazan.
- Mahai-inguruak: Burujabetza edukiz jantziz.
- 11:00etatik 11:30era: Energia. Goiener eta Argitturri (Oiartzungo Energia Berriztagarrien Kooperatiba).
- 11:45etik 12:15era: Zaintza. Basoa-Defendatzaileen Etxea eta Zaintzadi (Oiartzungo Zaintzarako proiektu komunitarioa).
- 12:30etik 13:00etara: Finantzaketa. Coop57 eta Zituene.
- 13:15etik 13:45era: Udalgintza-Herrigintza: Alternatiben Oihartzuna eta Oiartzungo Udala.
- Argazki kolektiboa: 14:00etan.
- Herri bazkaria: 14:30ean. Bazkarirako txartelak Miren tabernan eta txokolategian eros daitezke, 10 euroan. Bertako produktuekin osatuko dute menua.
- Dantzaldia: Doike. 17:30ean.
- Herriko taldeen kontzertuak, Biyurrienearekin elkarlanean:
- Astelehen Goizak.
- Zilibito Records.
- Dantzall Sound.
