Oiarperen asteburuko partiden kartelera (2023-10-27)
Oiartzungo klubeko 23 norgehiagoka jokatuko dituzte asteburuan; bost, Madalensoron. Horietako bat Egian jokatuko den finala izango da.
Oiarpeko pilotariek kartelera betea izango dute datorren asteburuan. Izan ere, gaur hasita, 23 partida jokatuko dituzte.
Denboraldi hasieran ohikoa den bezala, gehienak lehen fasetakoak izango dira, baina salbuespenak egongo dira.
Horietako bat izango da igande goizean —10:00etan hasiko da— Donostiako Egia auzoko pilotalekuan jokatuko duten finala. Leonet oiartzuarrak eta Uriarte lezamarrak osatutako bikotea Juanito Alvarez pilota txapelketako Etorkizuneko Pilotariak kategoriako txapelaren bila joango da.
Nor baino nor arituko dira Iruñeko Oberena taldeko Sanchez eta Santamariaren kontra.
Kanporaketetako beste bi partida jokatuko dituzte Oiarpekoek asteburu honetan, horietako bat Madalensoron, gaur arratsaldean (20:15ean). Beste bost daude bihar arratsalderako programatuta.
Kartelera osoa ikusteko, egin klik esteka honetan.
