Azaroa emanaldiz lepo iritsi da
Inoiz baino ekintza gehiago antolatu dira hasi berri den hilerako: 60 hitzordutik gora izango dituzte oiartzuarrek haien eskura.
Azaroa emanaldiz lepo iritsi da Oiartzunera, inoiz baino ekintza gehiago antolatu baitira hasi berri den hilerako. Oiartzungo Udalak etxez etxe banatu du herriko eragileekin batera osatutako herriko agenda. Udalak nabarmendu du hilabetea “bete-betea” datorrela: 60 hitzordutik gora izango dituzte oiartzuarrek haien eskura. “Oiartzun herri bizia dela bistan da”, esan du udal erakundeak.
Herriko ondarea ezagutzera emateko Ondare Jardunaldiak antolatu dituzte beste behin. Hitzen Lihoa kultur zikloaren seigarren ekitaldia egingo da hilaren 8tik 12ra, utopia ardatz. Auzoetako festa batzordeak ere gogor arituko dira desafioan. Aurtengoa hilaren 12an izango da, Gurutzen. Iaz lortutako lehen postua defendatuko du Iturriotzek.
Gainerakoan, zineaz, antzerkiaz, hitzaldiez, formakuntza saioez edota kirol ekintzez gozatu ahal izango dute oiartzuarrek. Hona hemen azaroko agenda:
