Komertzioek bonu kanpaina jarri dute martxan
Udalak eta Eusko Jaurlaritzak abiarazi dute kanpaina. 30 euroko erosketa bakoitzeko 10 euroko deskontua izango dute erosleek.
Itturri merkatarien elkarteko kideak, Joana Mendiburu alkatearekin eta Ibon Mitxelena Ekonomia Sozial zinegotziarekin. Oiartzungo ekonomia sustatu eta herritarrek bertako komertzio txikietan erosketak egitea bultzatzeko Bono-Denda kanpaina jarri dute martxan. Eusko Jaurlaritzak eta Oiartzungo Udalak 27.000 euro bideratuko dituzte deskontu bonuetara.
Azaroaren 8tik abenduaren 5era bitartean izango dira erabilgarri. Egun horien artean, kanpainan parte hartzen duten establezimenduetako erosleek 10 euroko deskontua izango dute 30 euroko erosketa bakoitzeko. 10 euroko 2.700 bonu egongo direla jakinarazi dute, 100 denda bakoitzeko.
Deskontua saltokian bertan egingo da, aldez aurretik bonua erosi beharrik gabe. 16 urtetik gorako pertsona bakoitzak gehienez bost bonu erabiltzeko aukera izango du erosketa batean edo gehiagotan.
Establezimenduen zerrenda
Honako hauek izango dira, Bono-Dendaren webgunean ikus daitekeenez. Beltzez seinalatuta daudenak Itturri merkataritza elkarteko kide dira:
- A Lolos altzari-denda.
- Afede jostailu-denda.
- Alain Afflelou optika.
- Baobab arropa-denda.
- Navarro laban-denda.
- Deskontalia Home altzari-denda.
- Itziar Edergintza.
- El Paso arropa-denda.
- Esnatu altzari eta elektrotresna-denda.
- Garbiñe estetika-zentroa.
- Euskalsofa altzari-denda.
- Intersport kirol-denda.
- Yoar erloju eta bitxi-denda.
- Juguettos jostailu-denda.
- Kinkila mertzeria eta lentzeria.
- Masqsofas altzari-denda.
- Merkakoltxon altzari-denda.
- Merkasofa altzari-denda.
- Neuk artisa-denda.
- Pukas Outlet arropa-denda.
- Pacheco Izeta loradenda.
- Stocksofa altzari-denda.
- Urkola optika.
- Urrats paperdenda.
