Kuxkuxero gehiago Oarsoaldean
Julen Portillok eta Julen Castillok eskualdeko gazteekin solasaldiak egingo dituzte datozen egunetan.
Julen Castillo hilaren 10ean Lezon izango da, eta 17an Errenteria-Oreretan. Argazkia: Go!azen / Facebook Erreferente euskaldunekin hitz egiteko beste aukera bat izango dute Oarsoaldeko gazteek. Oarsoaldeko Euskara Batzordearen ekimenez —lau udalen dute ordezkaritza bertan—, Kuxkuxeroak egitasmoaren barruko saioak egingo dituzte eskualdeko lau herrietan azaroan. 12-18 adin tartekoentzako daude bideratuta izen ezagun direnekin osatutako saioak, Kuadrillategin edo gazteei zuzenduriko bestelako egitasmoetan dabiltzanentzat, alegia. Azaroan, Julen Portillo tiktoker eta influencer-a, eta Julen Castillo aktore oiartzuarra izango dira prest gazteen galderak erantzuteko.
Julen Portillok hilaren 3an egin zuen lehen saioa, Oiartzunen. 17n, ordea, Pasaiakoekin izango da. Julen Castillo, berriz, ostiral honetan (hilaren 10ean) Lezoko gazteekin solasean arituko da, eta 17an Errenteria-Oreretakoekin.
Saioetan euren ibilbide profesionalaren eta bizipen pertsonalen berri ematen dute erreferente euskaldun horiek. “Solasaldi ireki eta atsegina sortu ohi da gehienetan”, esan dute Euskara Batzordetik.
