"Justiziarik gabe ezin da bakerik izan"
Palestinaren alde egin dute dozenaka herritarrek Gernika-Palestina dinamikak atzo deitu zuen mobilizazioarekin.
Palestinaren alde egin zuten dozenaka lagunek atzo. Palestinaren alde egin dute dozenaka herritarrek Gernika-Palestina dinamikak atzo deitu zuen mobilizazioarekin. Palestinarekin Elkartasuna. Irtenbide politikoa orain, Boikot Israel leloa zuten pankartak, eta Palestinako bandera erraldoia aurrean egin zuten elkarretaratzea Herriko Plazara bildutakoek.
Hego Euskal Herriko 107 udaletxe aurrera bildu ziren herritarrak, berdin Errenteria-Oreretan ere eta eskaera zehatzak egin: genozidioa etetea berehala eta gatazkari irtenbide justu eta behin betikoa ematea, “inongo erasoak ez du justifikatzen Israel Palestinako herriari ezartzen ari zaion zigor kolektiboa”. Irtenbideak nazioarteko zuzenbidean eta NBE erresoluzioetan oinarritua behar duela esan zuten, gainera, eta ezinbestekoa dela horretarako okupazioa amaitzea eta aitortzea Palestinari autodeterminaziorako eskubidea.
Israelgo Estatuaren jarrera itsustu zuten: “Justiziarik gabe ezin da bakerik izan. Onartezina da Israelek Gobernuz Kanpoko Erakundeei zein NBEri berari ere erakutsi dien mespretxu eta harropuzkeria”. Nazioarterai ere erreferentzia atzoko elkarretaratzean, eta mezu argia, “nazioarteko eragileek ezin dute genozidioaren konplize izan. Nazioarteko komunitateak bakea bultzatzeko ardura du, negoziazioa eta elkarrizketarako baldintza egokiak sortzea dagokio, eta ez gatazka elikatzea. Munduko agintariek bakera deitu behar dute, ez mendekura”.
Eskaera zehatza nazioarteko agente eta agintariei, “egin dezatela eskura duten guztia genozidioa amaitzeko. Palestinako herriak giza eskubideen duintasunaren eta nazio eskubideen alde dituen bidezko nahiak betetzea dela. Nor bere esparrutik elkartasunerako eta konponbiderako deia egiten segitzea ezinbestekoa da”.
Sarraskia gelditu eta Palestinari elkartasuna adierazteko mobilizazio guztiak beharrezkoak jo zituzten mobilizazioaren deitzaileek, amaitzeko, eta horretara deitu zituzten herritarrak.
