[Bideoa] Gazako genozidioari aurre egin diote Lezon
Gernika-Palestina herri plataformak deitutako elkarretaratzearekin bat egin dute lezoarrek. Bonbardaketa hotsak entzun dira plazan.
Gernika-Palestina herri plataformak deituta, elkarretaratzeak egin ziren atzo Euskal Herriko herri askotan Palestinako herriari babesa adierazteko. Lezokoa 19:00etan hasi zen, udaletxearen aurrean. Atzo bete zuen hilabete Hamasek egindako erasoaldiari Israelek hasitako ofentsibak: ordutik, milaka izan dira sionistek hil dituzte palestinarrak, asko zibilak, horien artean ere milaka direlarik haurrak. Egun, Gaza setiatua du Israelek, etenik gabekoak dira bonbardaketak, objektiboa edozein dela ere. Genozidioa egiten ari dira han.
Dozenaka izan ziren plazan bildu ziren lezoarrak, euripean. Isiltasunean egin zuten mobilizazio partaideek. Baina megafoniatik bonbardaketa eta tiroketa hotsak entzun ahal izan ziren. Ondoko argazkiak eta bideoa lezoarrek HITZAra bidalitakoa dira.
