Mexikar Calaveriten lehiaketan ere utzi du arrastoa Legorburuk
Bilboko Mexikar Calaveriten lehiaketan bigarren saria lortu du Iñigo Legorburu errenteriarrak.
iñigo legorburu artxiboko irudian. Jaso eta jaso jarraitzen du Iñigo Legorburuk. Horren erakusle, oraingoan ere, sari batekin itzuli dela etxera. Bilboko Mexikar Calaveriten lehiaketan bigarren saria lortu du Legorburuk Oda al camino lanarekin. Estreinako lana izan du erregistro eta lehiaketa horretan. Heriotzari edo hark sortzen duen saminari barre egiten dioten poema errimatuak dira Mexikar Calaveritak, “poema bakoitza zortzi silabako lau lerroz osatua”, Legorburuk azaldu duenez.
Ahozkotasunari oso lotua dagoen generoa dela ere azaldu du Legorburuk, “herio bera erabiltzen da gizartearen satira edo metafora gisa, eta poema horiek irakurlea barrea eragitea izaten dute helburu”.
Bigarren saria lortu badu ere, ez da erabat ase gelditu idatzitakoaren azken emaitzarekin, “teknikoki hobeto zegoen nire lana, baina irabazi duten beste lanek zuten ironia eta umorea falta izan zaizkidala uste dut, ez baitut generoaren kodea menperatzen edo erreferentziak falta zaizkidalako”. Hurrengo urterako erronka ere jarri dio bere buruari errenteriarrak: Hobetzea.
Bere lanean migrazioaren gaia erabili du Legorburuk: izan ere gu etorkin izan ginen eta gara oraindik ere, eta errelato faltsuek edo topikoek zenbat min egin dezaketen azaltzen saiatu naiz. Agian tonu triste eta ilunegian calaveritak izateko…”.
