'Artxibo biluzia' literatur idazketa eta performance tailerra antolatu dute
Metrokoadrokak tailerra antolatu du hilaren 18, 24 eta 25erako. Bi saio osagarri ere izango dira, Kattalin Miner eta Olatz Gorrotxategirekin.
Ze istorio nahi zenuke historiara pasatzea? galderarekin, literatur idazketa eta performance tailerra antolatu dituzte hil honetarako.
Kontatu nahi den istorio bati buruzko idazketa tailerra egingo dute, istorio horiei lotutako dokumentuetatik abiatuta.
Hilaren 18an, 24 eta 25ean izango dira tailerraren hiru saioak. Honakoak izango dira ordutegiak:
- Hilak 18, larunbata: 09:30etik 13:30era.
- Hilak 24, ostirala: 18:00etatik 21:00etara.
- Hilak 25, larunbata: 09:30etik 13:30era.
Ehuntze Sormen Espazioan izango dira saio horiek, eta bertan izena emateak 60 euroko prezioa izango duela jakinarazi dute.
Izena emateko azkeneko eguna hilaren 15a izango da (datorren asteazkena). Horretarako telefonoz jar daiteke harremanetan (679 877 276) edo e-posta bidez.
Tokiak mugatuak izango direla gaineratu dute, eta ez dela “inolako esperientziarik” behar.
Saio osagarriak
Tailerraz gain, beste bi saio osagarri antolatu dituzte. Alde batetik, hilaren 16an, Kattalin Minerrek tailerra emango du, Moio liburuaren idazte prozesuaz izenekoa. 19:00etan hasiko da, eta bi ordu iraungo ditu.
Bestalde, Olatz Gorrotxategik Teatro dokumental ikastaroa izenekoa partekatuko du, hiru ordukoa. Hilaren 29an izango da, 18:00etan hasita.
Biak ala biak hautazkoak izango direla iragarri dute.
