Alain Mendizabalek 'Jausiz' liburua aurkeztuko du gaur
Oiartzuarrak poema eta ilustrazioak jaso ditu bere lehenengo liburuan. Hitzen Lihoaren barruko ekitaldia izango da liburu aurkezpena.
Alain Mendizabal, liburua esku artean duela [Arg.: Oiartzun Irratia].
Alain Mendizabal Txilly oiartzuarrak bere lehenengo liburua aurkeztuko du gaur arratsaldean. Jausiz izena jarri dio, eta poema bilduma da, ilustrazioekin.
Hemeretzi poema zein epilogoa idatzi ditu Mendizabalek. 1545 argitaletxearekin publikatu du liburua.
Aurkezpena Hitzen Lihoaren barruko ekitaldia izango da. Ez da ohiko liburu-aurkezpena izango, Josu Ibarguren bertsolariarekin eta Izar Aizpuru dantzariarekin pieza bat sortu baitu.
Oiartzun Irratian eman dituen azalpenak entzun daitezke esteka honetan klik eginez.
18:00etan hasiko da emanaldi-aurkezpena, Landetxe aretoan. Gonbidapenak udalaren sarreren webguneak daude eskuragarri.
Ondoren, Mejillon Tigrek emanaldia eskainiko du, eta tarte horretan zizka-mizkak egongo direla jakinarazi dute.
