Emaitzak gutxien axola duenean
Oiartzungo mutilek puntu bat ekarri zuten Mutrikutik, baina baita lesio larri bat ere. Nesken taldeak garaipena lortu du orain arteko partidarik onenean.
Oier Etxabe jokalaria lesionatu egin zen larunbateko partidan (argazkian, aurreko partida batean). Oiartzungo mutilen talde nagusiak puntu bat ekarri zuen larunbatean Mutrikutik. Hala ere, z-ahoapore erabat mikatza utzi zien oiartzuarrei: partidako lehen minutuan Etxabe erdilariak tibia, peronea eta orkatila hautsi zituen.
Kolpe gogor hori jaso arren, urdinek partida polita jokatu zuten, eta 70. minutuan Aitzurik aurreratu zituen oiartzuarrak, ordura arte ikusitakoa sarituz. Hala ere, luzapenean, jokaldi isolatu batean, mutrikuarrek berdindu egin zuten. Oiartzuarrak sailkapeneko bederatzigarren postuan dira, 16 punturekin, eta goranzko boladarekin.
Lesionatutako jokalariari dagokionez, atzo bertan egin zioten ebakuntza. Oiartzun Kirol Elkartearen zuzendaritzak animoak bidali dizkio, eta zelaian azkar ikustea opatu diote.
Neskak, irmo
Emakumeen talde nagusiak Logroñesen bisita jaso zuen larunbat arratsaldean. Denboraldiko partidarik onena jokatu zuten, eta trukean hiru puntuak lortu zituzten.
Hori bai, oiartzuarrak galtzen hasi ziren, penaltiz egindako gol batekin. Burua altxatu, eta markagailuari buelta eman zioten, Lizaso, Rosco eta Rebeccaren golei esker.
Garaipen hori lortuta, sailkapeneko laugarren postura jauzi egin dute oiartzuarrek.
Areto futbolekoak, sendo
Gipuzkoako Lehen Mailako liderrak —Oiartzunek— Gaintxuren bisita jaso zuen larunbat arratsaldean. Oarsoaldeko derbia bikain hasi zuten Elorsorokoek, eta bi gol sartu zituzten lehen bost minutuetan.
Kontraeraso batean lezoarrek aldera murriztu zuten, baina atsedenaldira iritsi baino lehen beste bi gol sartu zituzten oiartzuarrek.
Bigarren zatian lezoarrak izan ziren gola sartzen lehenak, baina oiartzuarrek beste bi gol sartu zituzten, eta nagusitasunez irabazi zuten.
Miren Taberna OKEk, berriz, ezin izan zuen punturik ekarri Arrasatetik. Lehenengo zatian lo atera ziren oiartzuarrak, eta bi gol jaso zituzten. Aldageletara joan aurretik oiartzuarrek beraien gola lortu zuten.
Bigarren zatian etxeko taldeak beste bi gol sartu zituen eta 4- aurreratu ziren. Hamabost minuturen faltan, Miren Taberna OKE atezain-jokalariarekin atera eta bi gol sartu zituen, baina ez zen nahikoa izan.
Emakumeen 3. RFEF Maila
- Oiartzun — Logroñes: 3-1.
Gizonezkoen Ohorezko Erregional Maila
- Mutriku — Oiartzun: 1-1.
Emakumeen Euskal Liga
- Elorrio — Oiartzun B: 1-0.
Gizonen Lehen Erregionala
- Oiartzun B — Gure Txokoa: 1-1.
Emakumeen Ohorezko Erregional Maila
- Oiartzun C — Hernani B: 1-3.
Mutilen Gazte Mailako Euskal Liga
- Oiartzun — Aretxabaleta: 2-5.
Mutilen Gazte Mailako Gorengo Maila
- Oiartzun Bk atseden hartu du pasa berri den asteburuan.
Mutilen Gazte Mailako Lehen Maila
- Oiartzun C — Beti Ona B: 3-4.
ARETO FUTBOLA
Gizonen Gipuzkoako Lehen Maila
- Oiartzun — Gaintxu: 6-2.
Gizonen Gipuzkoako Bigarren Maila
- Mondrate — Miren Taberna OKE: 4-3.
