Xabier Goienetxea Iragorri euskal presoa aske utzi dute
Bake Bideak ostiralean zabaldu zuen Parisko Zigorren Aplikaziorako Auzitegiak Goienetxearen baldintzapeko askatasuna onartu zuela. Gaur gauzatu du erabaki hori.
Xabier Goienetxea espetxetik irteterakoan senideekin. Argazkia: Etxerat Elkartea Xabier Goienetxea Iragorri euskal preso oreretarra aske utzi dute. Hala jakinarazi du Etxerat Elkarteak. Goienetxea Lannemezango espetxetik atera da (Okzitania) .
Bake Bideak ostiralean zabaldu zuen Parisko Zigorren Aplikaziorako Auzitegiak Goienetxearen baldintzapeko askatasuna onartu zuela. Gaur gauzatu du erabaki hori.
2015eko uztailaren 7an atxilotu zuen poliziak Goienetxea beste hiru lagunekin batera Ortzaizen (Behe Nafarroa). Goienetxeari ETAko kide izatea egotzi zion poliziak. 2018an epaitu, eta zazpi urteko espetxe zigorra ezarri zioten
Goienetxeak 2008an alde egin zuen jaioterritik, Espainiako poliziak, Fernando Grande Marlaskaren aginduz, Oarsoaldeko hogei bat gazte independentistaren aurkako operazioa egin zuenean. Urte hartako abenduan, agerraldia egin zuen beste hiru pertsonekin batera, erakunde armatuan sartzeko urratsa egingo zutela iragarriz.
