Arizmendieneko kapera beste modu batean ezagutzeko aukera, igandean
Ondarearen Jardunaldien barruan, Allende Arnaizekin kaperako inskripzio bat estanpatuko dute, eta ondoren Elena Zalakainek bisita gidatua emango du.
Allende Arnaizekin kaperako inskripzioak estanpatuko dituzte lehendabizi, Elena Zalakainekin kapera bertatik bertara ezagutu baino lehen. Ondarearen Jardunaldien barruan, igande goizean —hilak 19— Arizmendieneko kapera beste modu batean —”ludikoagoa”— batean ezagutzeko aukera izango da.
10:30etik aurrera, Allende Arnaiz artistarekin kaperan idatzitako inskripzio bat estanpatuko dute, serigrafia teknikaren bitartez. Partaideei kamiseta, alkandora edo beste oihalezko euskarri bat eramateko eskatu diete. Iazko Hitzen Lihoan ondutako Atoz pekataria proiektua da igandekoaren aitzindari.
Ondoren, Elena Zalakainekin kaperara igoko dira, eta haren historiaren berri emango die parte hartuko dutenei, baita bitxikeriak ere. Zalakain historiako irakasle izan da eta Arizmendieneako berreskuratze lanetan parte hartu zuen. Gainera, gaur egun bisita gidatuak ematen ditu bertan.
Izena emateko, e-posta bidez idatzi beharko da, edo 943 49 45 21 telefono zenbakira deituta.
