Zilibito Recordsena, Gaztearen Maketa Lehiaketako onena
Gaur jokatu dute irrati publikoaren maketa lehiaketako finala. Oiartzungo taldeak oholtzan defendatu du bere maketa, eta onenak izan direla ebatzi dute.
Zilibito Recordsekoak, irabazitako saria erakusten duen kartelarekin. Oiartzunen bada mugimendua musikaren arloan, eta mugimendu horren izen oparoetako batek saria jaso du gaur. Gaztea irratiaren Maketa Lehiaketako finala jokatu dute gaur Bilboko BBK Aretoan, eta bertan garaile izan dira Zillibito Records taldekoak.
Lau finalista ziren, eta oholtzan zuzenean defendatu behar izan dute beraien proposamena. Enbata Lorade, Itzek, Ganibet eta Zilibito Records oiartzuarrak izan dira finalistak.
Ateratzen lehenengoak izan dira oiartzuarrak, Oarsoaldetik kanpo aktuazioa eman duten lehenengo aldian. Emanaldiaren ondoren, Julen Idigoras, Lorea Argarate eta Josune Arakistainek osatutako epaimahaiak esan du “disfrutatu” dutela oiartzuarren kontzertuarekin, eta sumatu dutela Oiartzunen “oso maitatuak” direla.
Gainontzeko taldeen proposamenak entzun ondoren, epaimahaikideek. 5.000 euroko saria jaso dute oiartzuarrek, baita 2024ko BBK Liven jotzeko aukera ere. Jasotako dirua proiektuak aurrera egiteko inbertituko dutela iragarri dute saria jaso eta berehala, momentuko “adrenalinak” utzi dien hitzartzean. 17 urte dituztela nabarmendu dute taldekoek, eta oraindik “urte askoko” ibilbidea dutela aurretik.
Eskerrak eman dizkiete epaimahaikideei, eta gainontzeko taldeekin “flipatu” egin dutela ziurtatu dute. Edozein modutan, beraiek izan dira 200 taldeen artetik onenak.
