Maskulinitateari eta zaintzari buruzko saioa egingo dute etzi, txokolategian, "pote filosofikoa" formatuarekin.
Hainbat ekitaldi antolatu dituzte azaroa “morez” dindatzeko, eta horietako bat izango da datorren asteazkenean —hilak 22— egingo duten pote filosofikoa.
Saioaren izen ezin iradokitzaileagoak ez dio zalantzari tokirik utzi: Etziok potroik zaintzeko. Eihera elkarteko Iñi Etxezarretak gidatuko du saioa; Garmendi txokolategian izango da, 19:00etatik 20:30era.
Maskulinitatea eta zaintza izango dituzte hizpide, eta hainbat galderari erantzunak bilatzen saiatuko dira. Honakoak dira galdera horiek: Zer da maskulinitate hegemonikoa?, Maskulinitate feminista bat posible al da?, Zer da zaintza?, Nork, non, noiz eta nola zaintzen da? edo Zaintzen al dugu gizonok?, besteak beste.
Azaro Feministaren hurrengo ekitaldiak honakoak izango dira:
Azaroak 24, ostirala
- 18:30ean, Pleno Aretoan: Clown al volante otro mundo por delante antzezlana (gazteleraz).
Azaroak 25, larunbata
- 18:30ean, Herriko plazan: Elkarretaratzea eta performancea.
Azaroak 28, asteartea
- 18:30ean, Landetxen: Sustraietatik eraldatuz dokumentalaren proiekzioa.
Azaroak 30, osteguna
- Greba Orokor Feminista (egun osoko egitaraua).
