HemenGuk-en urteko azken azoka, larunbatean
Larunbateko azoka Doneztebe plazan izango da 10:00etatik 13:30era bitarte. Neguko urtaroko azoka honetan, 16 ekoizle izango dira.
Urtaro bakoitzean, hiru hilabetean behin, HemenGuk-ek antolatuta Oiartzunen ekoizten diren elikagaien zein sortzen direnen lanen merkatua egiten dute. Martxoan, ekainean, urrian eta abenduan egiten dituzte urteko azokak. Asteburu honetakoa urteko azkena izango da: larunbatean, abenduaren 2an, 10:00etatik 13:30era bitarte Doneztebe plazan.
Azoka honen bitartez, ekoizleen eta bezeroen arteko harreman zuzena sustatzen da herri mailan. Herriko ekoizleak eta produktuak ezagutu, eta haien elikagaiak probatuz.
Asteburu honetako azokan 16 ekoizle izango dira:
Ekoizleak
- Aaron larrugintza.
- Aldako txakolina.
- Arabolaza eztigintza.
- Arraztalo barazkiak.
- Artexaniak artisautza.
- Buena Vista artisautza.
- Elika kooperatiba.
- Gezamina elkartea ogia eta sagardoa.
- Kosta itsas egurrak.
- Kürtöskalács gozo hungariarra.
- Larremotx gaztagintza.
- LeiLei makramea.
- Oliparok artisau lanak.
- Papurrak ogia eta goxoak.
- Peluzahar arrautzak.
- Zituene pasta.
