Giriziaren pala txapelketaren 40. ekitaldian izena eman daiteke
Girizia elkartearen pilota sailak Josetxo Gamioren omenez antolatzen duen pala txapelketan izena eman daiteke, hilaren 20ra arte.
Girizia elkarteko pilota sailak, beste urte batez, Euskal Herriko Pala Txapelketa Irekia antolatu du. Aurtengoa ekitaldi biribila izango da, 40. aldia izango baita.
Aurtengoan ere Josetxo Gamio izango dute gogoan, azken urtetan egin duten bezala. Norgehiagokak Madalensoro pilotalekuan jokatuko dituzte, larunbat eta igande goizetan, antolatzaileek aurreratu dutenez.
Euskal Herriko Pala Txapelketa Irekian gizonen eta emakumeen kategoriak izango dira, aspaldion bezala. Gizonak hiru mailetan arituko dira, eta emakumeak gazte eta helduen mailetan, izen-emateen arabera.
Girizia elkarteko pilota elkarteak jakinarazi duenez, izena emateko epea hilaren 20an bukatuko da. Parte hartu nahi duten bikoteek e-posta bidez jarri beharko dute harremanetan.
Informazio gehiago beharko lukeenak 656 71 12 75 telefono zenbakira dei dezake.
