Herritarren konpostagailuak ikuskatzen hasiko da udala, zalantzak argitzeko
Ahalik eta hondakin gutxien sortu eta sortutakoa birziklatzeko gomendioak emango dituela adierazi du udalak. Oiartzunen 545 familiek konpostatzen dute organikoa.
Oiartzunen 500 familiak egiten dute konposta etxean. Oiartzungo Udalak iragarri du herriko konpostagailuak ikuskatzen hasiko dela. Izan ere, etxeetan sottzen diren hondakin organikoak konpostatzeko aukera dute oiartzuarrek. Udalak baliabideak eta laguntza eskaintzen ditu. Gaur egun 545 familiak egiten dute konposta Oiartzunen, 500ek etxean eta 45ek auzoetan dauden etxoletan.
Autokonposta egiteko makinak ikuskatzen hasiko da udala, hala iragarri duenez. “Herritarren zalantzak argitu, konposta egiteko ohiturak hobetzen lagundu eta herritarrak ahalik eta gehien hezten jardungo dugu”, esan du udalak.
Besteak beste, ahalik eta hondakin gutxien sortzea da udalaren helburua, eta hondakinak sortzen direnean, ahalik eta gehien birziklatzea. Zerbitzua “hobetu” eta aukerak “erraztu” nahi dizkie udalak konposta egiten duten oiartzuarrei.
Abantailak ematen ditu
Etxeko konposta eginez, elikagaien hondarrak zein inausketa eta lorategiko hondakinak birzikla daitezke. “Horrela, etxeko konpostari esker, familia batek sortzen dituen hondakinen %40-50 gutxitzen da”, zehaztu dute udaleko iturriek. Egiten dutenek, gainera, hondakinen tasan %20ko hobaria jasotzen dutela gogorarazi dute.
Etxean makina jartzeko tokirik ez duten oiartzuarrak animatu dituzte, udalari abisa diezaioten. “Onura horiek guztiak aprobetxatu eta konposta egitera animatu ditu oiartzuarrak. Interesa duen edonork Hirigintza eta Ingurumen eraikinean [Laboral Kutxa eska dezake informazio gehiago”, azaldu dute.
