Oiarperen asteburuko partidak (2024-03-22)
Goñi eta Lasak osatutako bikoteak jubeniletako Udaberri Txapelketako finala jokatuko du gaur. Beste dozena bat partida jokatuko dituzte.
Oiarpeko pilotarien asteburu honetako kartelera hamahiru kutxatilaz osatuta egongo da. Horietatik hiru klubaren hogeigarren urteurrena ospatzeko jaialdikoak izango dira.
Partida horiek garrantzitsuak izango dira, gutxitan ospa daitezkeenak, bai, baina Oiarpekoen beste begi bat Alegian izango da.
Izan ere, Goñi eta Lasak osatutako bikoteak finala jokatuko du gaur arratsaldean, 19:30ean hasita, bertako pilotalekuan. Udaberri Txapelketako finala jokatuko dute oiartzuarrek, Behar Zana klubeko bikote baten kontra. Jubeniletako Lehen Mailako kategoriako txapela izango da jokoan.
Ez da asteburuko final bakarra izango. Kadeteetan, Bigarren Mailan, Oiarpeko Zapirain eta Elizegik Udaberri Txapelketako txapela eskuratu nahiko dute. Hernaniko bikotea izango dute parez pare. Donostiako Egia auzoko pilotalekuan izango da finala, bihar (larunbata), 16:00etan.
Asteburuko partida guztien berri izateko, egin klik hemen.
