Autobusa antolatu dute Oiartzundik Aberri Egunera joateko
Iruñean ospatuko du aurten Aberri Eguna EH Bilduk, igandean. Egun osoko egitaraua prestatu dute, eta 9:30ean irtengo da autobusa Oiartzundik.
Iruñean ospatuko du EH Bilduk Aberri Eguna, igandean. Iruñean ospatuko du EH Bilduk aurtengo Aberri Eguna, eta joan etorrirako autobusa antolatu dute Oiartzundik. 9:30ean irtengo da autobusa Ikastolako aparkalekutik, eta itzulera, berriz, 20:30ean izango da. Txokolategian eman beharko da izena.
11:00etan emango diote hasiera Aberri Egunari Udaletxeko plazan. Manifestazioa izango da ekitaldi nagusia, 12:00etan, eta Golemetik abiatuko da. Kale animazioa ere ez da faltako egun osoan zehar djak, txarangak, kontzertuak… egongo baitira. Gainera, umeen gunea ere antolatu dute Burgoen plazan, eta 16:00etan izango dira bertan Ekain pailazoa eta umeen jolasak.
