Adierazpen askatasunaren eta Palestinaren aldeko mozio bana, plenoan
Hamabi puntuko gai zerrenda izango du apirileko udalbatzarrak. Ohi baino lehenago hasiko da, gero Arraguako prozesua dagoelako.
Martxoko plenoko argazkia. Datorren asteazkenean, hilak 24, apirileko ohiko udalbatzarra egingo du Oiartzungo udalbatzak. Ohi baino lehenago hasiko da (17:30ean), gero —18:30ean— Arragua berriari buruzko prozesuaren saioa egongo baita. Dozena bat puntu izango ditu gai-zerrendak, eta horietako bi mozioak izango dira.
Palestinarekiko Erantzukizuna Elkarteak aurkeztuko du mozioetako bat, EH Bilduk bereganatuko duena. Bestea udal talde berak aurkeztuko du, eta adierazpen askatasunari buruzkoa izango da.
Gainerako puntuei dagokienez, bi nabarmentzen dira. Alde batetik, Oiartzungo Udalak eta EAEko administrazioak sinatutako hitzarmena luzatuko dute, herrian zuzkidura-bizitokien eta alokairu erregimeneko babes sozialeko etxebizitzen sustapena ahalbidetzeko.
Besteik, Oiartzungo Mugikortasun Planari hasierako onarpena emango diote.
Gai-zerrenda
- Aurreko batzarrei dagozkien akten onarpena.
- Adierazpen askatasunaren aldeko mozioa onartzea, EHBildu udal taldeak aurkeztutakoa.
- Palestinarekiko Erantzukizuna Elkartearen Palestinaren aldeko mozioa onartzea, EHBildu udal taldeak bereganatutakoa.
- Euskal Autonomia Erkidegoko Administrazio Orokorrak eta Oiartzungo Udalak 2020an sinatutako lankidetza-hitzarmenaren luzapena onartzea, Oiartzungo udalerrian zuzkidura-bizitokien eta alokairu erregimeneko babes sozialeko etxebizitzen sustapena ahalbidetzeko.
- Oarsoaldea S.A. eskualde-garapenerako agentziaren eta Oiartzungo Udalaren arteko hitzarmenaren onarpena berrestea, Eskualdeko Energia Bulegoaren zerbitzua Oiartzunen eskaintzeko.
- Oiartzungo Mugikortasun Plana hasieraz onartzea.
- Emieta baserriko ataritik beheko belardira doan bidea herri bideen inbentariotik kentzea, pribatua izateagatik.
- Oiartzungo udalerrian hiri-garbiketako eta etxeko hondakinen bilketa eta garraioko zerbitzu-kontratuaren luzapena onartzea.
- Beste ekitaldietako ordainagiriak baliogabetzea eta dagokionean, itzulketak egitea eta ordainagiri zuzenak igortzea.
- Katastroko 5. poligonoko 6. lursaila, erabilera publikoko ondasuna, berreskuratzeko espedientea dela eta Udalak hartutako erabakiaren aurka aurkeztutako 34/2023 administrazioarekiko auzi-errekurtsoan emandako epaiaren berri ematea.
- Beste organoen jardueraren jarraipena.
- Eskari-galderak.
