Liburuaren Eguna dela nabarituko da Oiartzunen

Urrats liburu-dendak Antton Kazabon gonbidatu du, liburuak sinatzeko. 1545 argitaletxeak ate irekien eguna egingo du.

Gaur, apirilak 23, Liburuaren Nazioarteko Eguna da, eta Oiartzunen hainbat ekitaldi egingo dituzte. Urrats liburu- eta paper-dendak jakinarazi zuenez, Antton Kazabon idazlea arituko da arratsaldean liburuak sinatzen.

Mendiburu kaleko dendara hurbildu nahi duenak, jakin beza 17:00etatik aurrera arituko dela uzta handia duen idazle oiartzuarra bertan sinatzen.

Ez da gaurko ekitaldi bakarra izango. 1545 argitaletxeak jakinarazi duenez, ate irekien jardunaldia egingo dute, arratsaldean bertan. 16:00etatik 19:00etara izango da, Kontsejupe plazako 8 zenbakian (Dixidu estudioan).

Liburuek %10eko deskontua izango dutela iragarri dute.

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.