Itsas Festibalean pasaitarren mugikortasuna lehenetsiko du udalak
Neurri murriztaileak izango dira jaialdiak iraun bitartean, "Pasaia bisitatzera etortzen direnen segurtasuna bermatu eta bisitarien eta pasaitarren arteko elkarbizitza ziurtatzeko".
Bihar (hilak 10) hasiko da Pasaia Itsas Festibala, ontzi tradizionalen munduko agertoki izango da igandera bitarte. Hirugarren jaialdi honetan bizilagunen mugikortasuna lehenetsiko dutela jakinarazi berri du udalak.
Espero den bisitari kopurua dela eta, “pasaitarrek beren egunerokoan ahalik eta eragin txikiena” nabaritu dezatela nahi du udalak, eta horretarako neurri murriztaileak ezarriko dituzte. Neurri haeukin, udaleko iturrien arabera, “Pasaia bisitatzera etortzen direnen segurtasuna bermatzeaz” gainera, “bisitariei eta pasaitarren arteko elkarbizitza ziurtatu” nahi dute. Teo Alberro alkateak neurriak laburbildu ditu: “Diseinatu dugun mugikortasun protokoloaren oinarria da, oro har, lehentasuna ematea bertakoei, langileei, baimenduei eta bestelako arrazoiengatik egunero Pasaian bizitza egiten dutenei”.
Mikel Garcia Mugikortasun zinegotziak azaldu du Donibanera eta Trintxerpetik San Pedrora bertakoen ibilgailuak bakarrik ahalko direla igaro. Hortaz, egun hauetan bisitari gisa etorri nahi dutenei garraio publikoa erabiltzera deitu ditu Garciak.
Bestalde, neurri horiek bermatzeko, Udaltzaingoak baimendu gabeko ibilgailuen sarbidea mugatzeko kontrolak egingo ditu. Lanera Pasaiara joan behar dutenei euren enpresei egiaztagiri bat eskatu dezatela jakinarazi diete, herrira lanera etortzen direla ziurtatzen duena.
Lotura honetan neurri guztien gaineko informazioa kontsulta daiteke, barrutiz barruti.