Seme-alaben autoestimua elikatzeaz arituko dira ostegunean
Treba programaren barruko saioa izango da, gurasoei zuzendutakoa. Nerea Mendizabalek gidatuko du saioa, pleno aretoan.
Aurrez egindako saio baten irudia. Treba programako saio berria antolatu dute datorren ostegunerako, hilak 30. Gaztematika Gipuzkoako Haur eta Gazteen Sustapenerako Sarea, Gipuzkoako Foru Aldundia eta Oiartzungo Udala dira antolatzaileak.
Gurasoei zuzendutako saioak dira Trebakoak. Oraingoan, seme-alaben autoestimua elikatzeko moduez arituko dira. Nerea Mendizabalek gidatuko du saioa. 17:00etan hasiko da, udaletxeko pleno aretoan. Komunikazio ez bortitzeko trebatzailea, psikopedagogoa eta Gizarte Hezkuntzan diplomatua da Mendizabal.
Autoestimua eraikitzeko prozesuan eragiten duten elementuak azaldu, gustukoak diren eta ez diren jokaeren aurrean nola erantzun beraien estimuan baldintzatu gabe eta jokaera eta jarreren atzean dauden harri bitxiak azaleratzeko gakoak emango ditu.
Antolatzaileek jakinarazi dutenez, ez da aldez aurretik izenik eman beharko.
