Sai arreak ezagutzeko irteera gidatua Arditurriren eskutik
Hilaren 12an izango da irteera, eta bisitak hegazti horien bizimodua eta ohiturak ezagutzeko aukera ematen du. Aurrez egin behar da erreserba.
Sai arreak Arditurri parketxetik gertu dauden honetan, irteera gidatua antolatu dute hilaren 12an hegazti sarraskijale horien bizimodua eta ohiturak hobeto ezagutzeko.
Arditurrin sai arreen inguruko hitzaldi labur bat emango dute bertako hezitzaileek; eta, gero, ibilaldi “motz” bat egin eta hegazti hauek teleskopio bidez ikusteko aukera emango dute.
Hitzaldia 10:30ean hasiko da, eta, ibilaldia 11:00 aldera.
Bisita adin guztietako herritarrei zuzenduta dago, eta 4 euroko prezioa izango du 12 urtetik beherakoentzat, eta, 6 eurokoa 12 urtetik gorakoentzat. Aldez aurretik egin beharko da erreserba 943 49 50 69 edo 688 89 50 68 zenbakietara deituz edo helbide honetara idatziz.
Antolatzaileek prismatikoak eramatea gomendatu dute.
