Bueltan da Pasaiako Zinema Txikia
Larunbatean izango da ikasturte berriko lehen emanaldia. 'Momiak' filmaz gozatuko dute 9 urtetik beherako pasaitarrek, doan.
Lau barrutietako haurrak eta haien gurasoak adin egon daitezela, ikasturte berriarekin batera Pasaiako Zinema Txikia bueltan baita. Igande honetan abiatuko dute ikasturte berriko egitaraua, eta orotara, zortzi emanaldi izango dira urritik apirilera bitarte. Hauetan, bederatzi urtetik beherako haurrek zinema euskaraz gozatzeko aukera izango dute Antxon, Donibanen eta Trintxerpen, doan.
Pasai Donibaneko Juanba Berasategi aretoak jasoko du lehen emanaldia, larunbat honetan (hilak 5). Bertan, Momiak filma proiektatuko dute 17:30ean. Datozen emanaldi guztiak ere ordu berean hasiko dira.
Bertaratzeko ohiko motora zerbitzua eskainiko dutela jakinarazi du udalak. Trintxerpetik abiatuko da, 17:00etan. Sarrerak doakoak badira ere, erreserba egin beharko da lotura honetan.
Ondorengoa da apirilera bitarte izango diren emanaldien informazioa:
- Azaroak 2: Andregai hilotza filma, Donibaneko Juanba Berasategi aretoan.
- Azaroak 30: Karmengo Ama ikastetxeko LH2 eta LH3ko ikasleek aukeratutako film bat proiektatuko dute Trintxerpeko alkateordetzan.
- Azaroak 30: La Anunciata ikastetxeko LH2 eta LH3ko ikasleek aukeratutako film bat proiektatuko dute Pasai Antxoko kultur etxean.
- Urtarrilak 18: Deep sea. Sakontasunera bidaia bat, Donibaneko Juanba Berasategi aretoan.
- Otsailak 22: Pasaia-Lezo Lizeoko LH2ko ikasleek aukeratutako film bat proiektatuko dute Donibaneko Juanba Berasategi aretoan.
- Martxoak 15: Goonietarrak, Donibaneko Juanba Berasategi aretoan.
- Apirilak 5: Robotia, Donibaneko Juanba Berastegi aretoan.
