Ikasturte berria elkarrekin irudikatzen hasi dira
Eskubidean planean aritzen direnenek ikasturteko lehen topaketa egin zuten atzo. Emankorra izan zen bilkura, askotariko ekarpenak jaso zituzten.
Udalak haur eta nerabeen eskubideak bermatzeko helburua duen Eskubidean planean elkarlanean aritzen direnek ikasturte hasierako topaketa egin zuten atzo (hilak 9) Donibaneko Juanba Berasategi aretoan bildu ziren hamarka lagun. Bertan, udal taldeetako kideak, udal teknikariak, ikastetxeetako ordezkariak eta udal zerbitzuetako langileak izan ziren. Topaketa honen helburu nagusia, udaleko iturrien arabera, “planeko gune edo foroetan parte hartzen duten kideek elkar ezagutzea” izan da, baina baita ere ikasturte berria “irudikatzea”. Identifikatutako erronkei heltzeko egin beharreko urratsak pentsatzeko ere probestu zuten atzoko bilkura.
Landutako haien artean, elkarren beharraz, sarean lan egitearen garrantzia eta aurrez aurre dituzten erronken konplexutasunaren aurrean eragiteko gaitasunaz aritu ziren. Atzo jasotako ekarpenak aztertuko dituzte orain, eta aurrera begirako bide orria irudikatuko dute.
