Trafiko aldaketak asteburuan, San Tomas eguneko ospakizunengatik
Bihar Antxo eta San Pedron izango da Eguberriei hasiera emateko festa, eta etzi, berriz, Donibane eta Trintxerpen.
Iaz San Pedroko San Tomas egunean ateratako irudia da. Bihar (larunbata) eta etzi (igandea) San Tomas egunaren barruko ospakizunak izango dira lau barrutietan. Bihar San Pedron eta Antxon izango da festa, eta etzi, berriz, Donibane eta Trintxerpen. Azokak eta gainerako ekitaldiek Antxon, Donibanen eta Trintxerpen trafikoan eragina izango dutela jakinarazi du Pasaiako Udalak. Honako aldaketak aurreikusi dituzte:
- Antxo: bihar, 10:00etatik 16:00etara, Hamarretxeta kalea moztuko dute.
- Donibane: Igandean, 9:00etatik aurrera eta azoka bukatu bitarte, Donibane kalea itxiko dute. Kotxeak Santiago plazatik 8:00etarako atera beharko dira.
- Trintxerpe: Azkueneko biribilgunean mozketa egingo dute (garajeetatik Errenteria kaleraino), 10:00etatik 14:30era. Garajeetako jabeak Ulia etorbidetik atera beharko dira.
Lotura honetan asteburuko festa guztien gaineko informazioa kontsulta daiteke.
Erlazionatutako edukiaLau barrutiak, San Tomas egunerako irrikaz
