Mendekosteetako larunbata, emankorra
Ekitaldiz betetakoa izan zen mendekosteetako larunbata. Herri kirol desafioaz gain, pilota finalak eta Dantzazaleen erromeria ere izan ziren, besteak beste.
Askorako eman zuen mendekosteetako larunbatak. Ekitaldirik jendetsuena beharbada arratsaldeko herri kirol desafioa izan zen, Lezok Errenteria-Orereta gainditu egin zuen. Baina egitarauan arakatuz gero, Arkirun Pilota Klubaren mendekosteetako eskuzko txapelketaren finalak, eta Lezoko Dantzazaleen XX. mende hasierako erromeria nahiz Tomas Garbizu Musika Eskolakoekin egin zuten ikuskizuna izan ziren. Behean, pilotarien sari emateen ekitaldia, eta Dantzazaleen irudiak (goialdean bideoa).
Eskuzko pilota finalei dagokienez, honakoak izan ziren emaitzak (goizez eta arratsaldez jokatuz iren finalak, Koldobike Gezala pilotalekuan):
Benjamin Mailakoak
- Urkizu-Arrieta 16, Goikoetxea-Perez 12
Kimu Mailakoak
- Irazustabarrena-Garrido 12, Oiartzun eta Aizkorreta 18
Haur Mailakoak
- Sorregieta-Aldaba 18, Elarre-Osa 17
Gazte Mailakoak, lau t’erdian
- Martinez 9-Zabala 22
Helduen Maila, emakumeak
- Zabala-Pikabea 22, Dorronsoro-Urra 16
Atzo bukatu ziren 2025eko mendekosteak. Labur, baina latz joan dira. Datorren larunbatean, hilaren 14an, Euskal Jaiaren txanda izango da.
Jarraian, pilotazaleen eta Dantzazaleen hainbat argazki, Arkirun Klubekoek eta Lezoko Dantzazaleek HITZAra bidalitakoak.
