Elantxoben hirugarren egin du Hibaikak
KAE2 Ligako hirugarren jardunaldian hirugarren postua egin dute Hibaikakoek, horrek sailkapen taulako bigarren postura eraman ditu.
hibaikako arraunlariak atzo Elantxoben uretaratu aurretik Dani Cobjuck entrenatzailearen azalpenak entzuten.Hibaika Elantxoben jokatu dute KAE2 Ligako traineruek hirugarren jardunaldia. Apur bat atzera egin du Hibaikak, hirugarren sailkatuta estropada horretan, irabazlea izan zen Orio B eta Portugaleteren atzetik. Hori horrela, sailkapen orokorrean lidergoa Oriok hartu du orain, eta bigarren postuan da Hibaika, puntu bakarrera.
Gertutik jarraitzen ditu Portugaletek; hirugarrena da ontzi bizkaitarra puntu bakarrera ere. Ez dute alde handia hartzea euren artean goian diren ontziek, sei baino ez direlako lehian.
Lanean jarraitu beharra jarri zuen Dani Cobjuck Errenteria-Oreretako ontzikoen entrenatzaileak, “estropada honetan eman duguna baino gehiago gara, eta orain arte bezala lanean jarraitzea dagokigu. Arraunlariak animatzea dagokigu, eta lanean jarraitzea”.
Estropada bikoitzeko asteburua izan dute honakoa KAE2 Ligan eta Oriok irabazi ditu biak.
Datorren asteburuan Bizkaian dute berriro lehia, Sestaon zehazki. Larunbatean izango da, uztailak 5, 11:00etan hasita. Hiru kalera lau luze egin beharko dituzte. Errenteriarrek ahalik eta bandera gehien poltsikoratu eta KAE1 Ligara jauzi egitea dituzte aurtengo denboraldiko erronkak.
Datorren asteburuan ere deia zaleei Madalen ontziaren koloreak jarri eta estropadara animatzera joateko.
Denborak
1- ORIO ORIALKI 21:52,53 6
2- PORTUGALETE 22:20,67 5
3- HIBAIKA SUSPERREGI 22:31,46 4
4- BUSTURIALDEA, AKE 22:38,03 3
5- LAREDO 23:16,88 2
6- LUTXANA 23:53,30 1
