Bihar hasiko da Oiartzungo Kirol Astea
Pala eta futbol egokituarekin emango diote aurtengo Kirol Asteari hasiera. Sei egunetan zehar hamaika jarduera izango dira herrian.
Aurtengoan ere, Oiartzungo Udalak eta herriko zenbait eragilek Kirol Astea antolatu dute hilaren 25etik (larunbata) 31ra. Sei egunerako egitarau oparoa osatu dute, eta, helburu nagusia da “bizi osasuntsurako jarduera fisikoak duen garrantziaz jabetzea”. Horretaz gain, elikadura egokia eta aisiak duten garrantzia ere nabarmendu nahi dute.
Adinekoei tarte berezia eskainiko diete aurtengoan, eta haiei zuzendutako zenbait indar entrenamendu antolatu dituzte. Azaldu dutenez, saio horien helburuak dira sarkopenia saihestea (muskulu masaren eta indarraren galdera), mugikortasuna hobetzea eta artikulazioetako minak murriztea.
Zerrendatutako saio horiez gain, adin tarte, egoera fisiko eta zaletasun guztietarako ekintzak antolatu dituzte “denontzako aukerak ikusarazteko”; hortaz, beste gauza batzuen artean, pala eta futbol egokitua jokatzeko eta ikusteko aukera izango da, eta etxeko txikiek gimnasia familian egiteko aukera izango dute.
Sei egunetarako antolatu dituzten ekintza guztiak doakoak izango dira (ikus zerrenda behean).
Egitaraua
- Bihar, hilak 25, larunbata:
- Pala egokitua, 09:30etik 11:00etara, Kontzejupean. Antolatzailea: Mindara.
- Futbol egokitua, 11:30etik 13:00etara, Karla Lekuona futbol zelaian. Antolatzaileak: Mindara eta OKE.
- Hilak 27, astelehena:
- Adinekoentzako indar entrenamendua. (Ordua izen ematearen arabera zehaztuko dute). Landetxen. Antolatzailea: Gazte Izanak eta Abittu.
- OTXE ate irekiak, etorri probatzera! Astelehenetik ostgunera, 17:30ean, Atamitxeko kanpilloan. Antolatzailea: OTXE.
- Hilak 28, asteartea:
- Kirol elikadura hitzaldia Zigor Iturrieta eta Malen Osarekin. 18:00etatik 20:00etara, Laboren. Antolatzailea: Labore.
- Hilak 29, asteazkena:
- Toka eta igel txapelketak, 12:00etatik 14:00etara Landetxeko toka lekuan. Antolatzailea: Gazte Izanak eta Zaintzadi.
- Gimnasia familian, 17:00etatik 18:00etara Elorsoron. Antolatzaileak: Hiruki bira.
- Kilian Jornet Camino al Everest emanaldia 19:00etatik 21:00etara, Landetxen. Antolatzailea: Girizia Mendi Taldea.
- Hilak 30, osteguna:
- Dantza saioa 10:00etatik 11:30era, Elorsoron. Antolatzailea: Abittu.
- Zine emanaldia: El ídolo de barro. 19:30etik 21:30era, Landetxen. Antolatzailea: Oiartzungo Udala.
- Hilak 31, ostirala:
- Nordic Walking ssaioa, 11:00etatik 12:00etara, Elorsoro kiroldegian. Antolatzailea: Abittu.
- Oiartzungo kirol sariaren banaketa, 18:00etatik 19:00etara, Landetxen. Antolatzailea: Oiartzungo Udala.
