Antxo eta antxotarrak, dantzan
Pasaiako Dantza Festibalaren zortzigarrenari hasiera eman diote gaur arratsaldean. 17 emanaldiz gozatu ahal izango da barrutian igandera bitarte.
Pasai Antxo dantzaren epizentro bilakatu da jada. Pasaiako Dantza Festibalaren (PDF) zortzigarrena hemen da, gaur arratsaldean eman diote hasiera aurtengo ekitaldiari. Igandera bitarte askotariko emanaldiak izango dira barrutian zehar. Emanaldi ibiltari eta kaletarrak izango dira gehienak, honako eremuetan izango da dantza ikuskizunekin gozatzeko aukera: Luzuriaga parkean, Skate harmailetan, Skate parkean, Ibaiondon eta Katuen Etxadian. Orotara, 17 dantza emanaldi izango dira hauetan. Beheko koadroan egitarau osoa kontsulta daiteke.
HITZAk ez du zortzigarren ekitaldi honen hasiera galdu nahi izan. Lehen ikuskizunean izan da hedabidea, hain zuzen, Okupa proiektuaren Zeharkatzen emanaldian. Hona bertan bildutako bideo eta argazkiak:
Pasaiako Dantza Festibala:
Hilak 11, osteguna
- 19:00: Okupa proiektuaren Zeharkatzen, Katuen Etxadian.
- 19:30: Itzel eta Marinaren Accroc, Katuen Etxadian.
- 19:45: Amaia Elizaran eta Neonymusen Iraun, Katuen Etxadian.
Hilak 12, ostirala
- 19:00: Aimar Odriozolaren Hau zulo hontan, Skate parkean.
- 19:30: Diskordiaren Henko, Skate harmailetan.
- 20:00: Haatiken Ioi, Ibaiondon.
- 21:30: Unity projecten Freestyle txapelketa, Skate harmailetan.
Hilak 13, larunbata
- 09:00: Yoga familian Arima Yogagunearekin, Luzuriagan.
- 12:30: Eskolen erakustaldia, Luzuriagan.
- 19:00: Osa + Mujikaren Tupper, Skate harmailetan.
- 19:15: Dani Hernandezen Cordoba Drone, Skate harmailetan.
- 20:30: Helena Wilhelmssonen Trembling Frequencies, Luzuriagan.
- 21:00: Hodei eta Albertoren Aatxe, Luzuriagan.
- 22:00: Oihana Vesgaren Sonus Fossio, Luzuriagan.
Hilak 14, igandea
- 12:00: Iker Murillo Studio 24ren Barra klasikoa, Ibaiondon.
- 13:00: Herri ekimena. Anakrusaren Garden, Luzuriagan.
