Herriak itxi du PDF
Bukatu da zortzigarren Pasaiako Dantza Festibala (PDF). Atzo egin ziren askotariko dantza espresioak kalean gozatzeko aroko azken emanaldiak.
Anakrusa taldekoak, atzoko emanaldian. Bukatu da zortzigarren Pasaiako Dantza Festibala (PDF). Atzo egin ziren askotariko dantza espresioak kalean gozatzeko aroko azken emanaldiak. Lehenik eta behin, eguerdian, Iker Murillo Studio 24ko ikasleek ballet barra egin zuten Marealtaren ertzean, eta ondoren, Luzuriagako eremuan, Anakrusako kideek —Antxoko askotariko adinetako dantzari amateurrek osatua— Garden ikuskizuna egin zuten. Ikus-minez eta emozioz beteriko emanaldia izan zen Anakrusakoena, antxotarrek euren urteko agendan gorriz markatutakoa. Bete-bete izan ziren bai Marealta ertza nahiz Luzuriagako eremua PDF ixteko. Bero egin zuen, baina kultura eta emozio goseak termometroak esaten zuena gainditu zuten.
Ostegunean hasi eta atzo bukatu zen 2026ko Pasaiako Dantza Festibala. Kaleko dantza espresioen topagune denez, eguraldiaren menpe den dantzaren festa da. Aurten behintzat on-ona egin du. Eta on-onak izan dira egitarauaren barruan izan diren ekitaldi guztiak, hala adierazi dute publikoaren jarraipenak nahiz emanaldi bakoitzaren ondoren izan diren txalo eta oihu zaparradek. Antolatzaileak, balorazio sakona egin aurretik, pozik azaldu dira barrutian izandako kultur jarioarekin.
Jarraian, atzoko Iker Murillo Studio 24koen nahiz Anakrusaren, eta larunbat eguerdiko emanaldien (Alkar Txiki Dantza Taldearena, Iker Murillo Studio 24koena, eta Errenteriako Herri Arte Eskolako kideena) argazkiak eta bideoak.
