Santioei ekiteko gogoz dira sanjuandarrak
Gaur (hilak 24, ostirala) hasiko dira Donibaneko Santio Festak. 20:00etan izango da txupinazoa, Pasaia-Lezo Lizeoaren eskutik.
Gaur (hilak 24, ostirala) hasi eta hilaren 31ra arteko tartean ospatuko dituzte sanjuandarrek, eta hala nahi duten bisitariek, 2026ko Santio Festak. Jakina da egun seinalatu askoko jaiak direla udako Donibaneko bigarrenak, eta aurten ere hala izango da. Lehen egun seinalatua, gaurkoa: txupinazoaren eguna.
20:00etan egingo dituzte Santiago plazan eta udaletxe zaharrean jaiak hasteko ekitaldi ofizialak, Agurra, txupinaren jaurtiketa eta ikurrinaren igoera. Pasaia-Lezo Lizeoak 50 urte bete ditu aurten, eta Donibaneko Jai Batzordeak erabaki du ikastolako kideek bideratzea hasierako ekitaldi horiek, haiek dira omenduak. Horren aurretik, ordea, badira girotze jarduerak, hala nola 18:00etako poteoa Burrunba elektrotxarangarekin, edo buruhandien irteera (19:00).
Festak eztanda egin ondorengoak ere badira, Gazte Afaria, erromeria, rap kontzertua, DJak txosnetan… Ostirala izanik, ziur ederki asko girotuko direla barrutiko kasko zaharreko kaleak, itsasoaren kresala usainaren laguntzarekin.
Behealdeko koadroan gaurko, biharko eta etziko jardueren zerrenda ikus daiteke.
Donibaneko santioak 2026. Asteburuko egitaraua.
Gaur (hilak 24, ostirala)
- 18:00: Poteoa Burrunba elektrotxarangarekin, Patxikutik Santiago plazarantz.
- 19:00: Buruhandiak Meipitik plazara. Santiago plazan erraldoiekin bat egingo dute.
- 20:00: Agurra, txupinazoa eta ikurrinaren igoera, Santiago plazan. Pasaia-Lezo Lizeoa izango da omendua, bere 50. urteurrenagatik.
- 21:30: Gazte afaria Santiago plazan.
- 23:00: Zatekeen erromeria Santiago plazan. Ondoren, ELC310, Gonza, Rafa Norte eta Gorane rap taldeen kontzertua, Santiago plazan.
- 00:00: Gorka txosnetan.
Bihar (hilak 25, larunbata)
- 07:00: Diana Kalean txarangarekin txosnetatik Santiago plazako sokamuturrera.
- 07:00: Diana txistulariekin Meipitik Santiago plazako sokamuturrera.
- 08:00: Sokamuturra.
- 10:30: Gaztelutxoko igoera. Kaskoa eramatea derrigorrezkoa izango da. Izen-ematea Meipin egingo da.
- 12:00: Kantu jira arrantzalez jantzita, Meipitik Santiago plazara.
- 17:00: Haurrentzako jolasak eta txokolate-jana Santiago plazan.
- 17:30: Mus txapelketa Bonantzako txosnagunean.
- 18:30: Dantza ikuskizuna Santiago plazan.
- 20:00: Herri kirolak Santiago plazan.
- 22:00: Allur dantza taldearen emanaldia Santiago plazan.
- 23:00: Amador txosnetan.
- 23:30: Enabil Santiago plazan.
Etzi (hilak 26, igandea)
- 09:30: Ezinduak beren etxeetan jaso eta Santa Ama ermitara eramatea.
- 11:00: Meza nagusia Santa Anako ermitan. Ondoren, salda eta pintxo dastaketa, txistulariek girotuta.
- 13:30: Poteoa gramolarekin Patxikutik Santiago plazara.
- 14:30: Kuadrillen bazkari autogestionatua Santiago plazan. Ondoren, bingo musikala, playback lehiaketa eta zumba herrikoia. Bukatzean, poteoa Pasai txarangarekin alde zaharrean.
- 19:00: Poteoa Kidam magoarekin txosna gunetik hasita.
- 21:00: Gauargi erromeria Santiago plazan.
Gainontzeko egunetako egitaraua ikusteko baliatu esteka hau.
