

Ohorezko Mailako taldeak Lagun Onakekin berdindu zuen larunbatean Hondartza futbol zelaian (1-1). Postu bat irabazi du baina jaitsieratik bi puntura dago. Ostegun santuan Aurrerarekin atzeratutako partida jokatuko du Hondartzan, 12:00etan. Irabaziz gero arnasa hartuko dute berdeek.




Trenbidea lur azpitik bideratzeak eragingo dituen aldaketak kontuan hartuta espazioen berrantolaketa aztertu nahi dute herritarrekin batera Denon artean eta denontzako Antxo eraikiz izenburupean parte hartze prozesua abiatu nahi du Udalak udazkenean. Atzo jakinarazi zuen asmoa Izaskun Biurrun alkateordeak, plenoan, PSE-EEk Biteri plazarako urbanizazio planaren gainean aurkeztutako mozio baten harira. PSE-EEren mozioak ez zuen aurrera egin, PPren eta EAJren babesa lortu arren, Bilduk eta EBk kontra botatu zutelako.


Etzirako antolatu dute Trintxerpen Julio Montoya Oroitaldiaren XXV. aldia. Karmenen jaien barruan antolatzen du urtero herri lasterketa Klub Atletiko Trintxerpek.

Eguraldia lagun izateko itxaropenaz ekingo diote gaur Trintxerpen karmenak ospatzeari. Gaur iluntzean hasiko dira jaiak, eta asteazkenean bukatuko dira, Karmengo Amaren egunean.

Sanferminetan Beteranoen danborradako kantinerarentzako jantzi berria egin ahal izateko zozketa baterako txartelak saldu dituzte, eta Jai Batzordeak jakinarazi duenez, aipatu zozketa 724 zenbakia izan da saritua. Irabazleak 250 euro jasoko ditu.