Oiartzungo elikagai kontsumoaren eta ekoizpen gaitasunaren diagnosia aurkeztuko dute
Oiartzungo Udalak elikagai kontsumoaren eta lur ondareari buruzko diagnosia egin du, eta datorren asteazkenean aurkeztuko dute.
Oiartzungo Udalak diagnosia egin du, elikagaien kontsumoa zenbatekoa den ezagutzeko. Horrez gain, Oiartzunen zenbat elikagai kontsumatzen diren kuantifikatu dute ikerketa horretan, baita zenbat elikagai ekoiztu daitekeen ere.
Aurkezpen ekitaldia datorren asteazkenean —hilak 12— egingo dute, udaletxeko areto nagusian. Saioa 17:00etan hasiko da. Udal ordezkariez gain, Gaindegiako kideek hartuko dute parte bertan. Oiartzuar guztiak gonbidatu dituzte aurkezpen horretara.
