Asteburuan jokatu duten Oiartzungo bi bikoteek garaipena lortu dute
Bereziartua eta Markosek zein Arruabarrena anaiek garaipena lortu dute Euskal Herriko Pala Txapelketa Irekian. Bederatzi partida jokatu dira.
Viana, Mendizabal, Maiz epailea eta Bereziartua eta Markos. Makurtuta, Aroztegi, Erleaga, Antxordoki eta Martikorena. Euskal Herriko Pala Txapelketako Irekiko bederatzi partida jokatu dituzte asteburuan, Madalensoro pilotalekuan. Oiartzungo bi bikotek jokatu dute, eta biek garaipena lortu dute. Bereziartua eta Markosek 25-16 irabazi zuten; beste partida bat falta zaie ligaxkako egitaraua bukatzeko.
Hurrengo faserako sailkatu direnak Arruabarrena anaiak izan dira. 25-18 nagusitu ziren. Oiartzungo bi bikoteak Hirugarren Mailan aritzen dira.
Gainontzeko partidei dagokienez, Antxordoki eta Martikorenak lortutako garaipena izan zen nabarmenena. Partida luze eta orekatua erritmo handian jokatu zuten, bi tantoko aldeagatik irabazteko. Nafarroako bikoteak hurrengo faserako txartela eskuratu du. Hiru asteburu barru jakingo dira zeintzuk diren sailkatu guztiak, lehenengo fasea bukatzen denean.
Honakoak izan dira partidak (datorren asteburuko kartelera, behean):
Hirugarren Maila
- Viana — Mendizabal / Bereziartua — Markos: 16-25.
- Etxebeste — Mendizabal / Vicente – Arizabalo: 6-25.
- Unsuain — Fierro / Arruabarrena — Arruabarrena: 18-25.
- Vitoria — Vitoria / Juaristi — Askaiturrieta: 25-12.
Bigarren Maila
- Arana — Gomez / Luixa — Etxeberria: 25-21.
- Legarreta — Legarreta / Izkierdo — Bengoetxea: 25-12.
- Eskudero — Beloki / Iribar — Etxebeste: 25-13.
Lehen Maila
- Antxordoki — Martikorena / Aroztegi — Erleaga: 25-23.
- Arriaga — Unda / Larralde — Zumeta: 25-14.
