Gorostieta eta Leitza lotuko ditu Giriziak, hilaren 29an
Ireber mendia igoko du Oiartzungo mendizaleen elkarteak. Ondoren Berastegin bazkalduko dute. Maiatzeko lehen asteburuan hiru eguneko irteera egingo dute.
Girizia Mendizaleen Elkarteak irteera antolatu du hilaren 29rako. Nafarroako iparraldera joango dira, Gorostieta eta Leitza lotzeko. Bost orduko ibilbidean Ireber mendia igoko dute, 1.208 metrokoa. Haurtzaro Ikastolako aparkalekutik aterako da autobusa, 07:30ean.
Ondoren, indarrak berreskuratzeko, Berastegin bazkalduko dute. Txango horretarako izena eman behar da. Garmendi txokolategian eman daiteke izena, edo Giriziaren webgunearen bitartez. Izena ematerakoan 15 euro aurreratu beharko dira.
Maiatzean, Gredosera
Ez ikusmiran izango duten irteera bakarra izango. Maiatzeko lehen asteburuan Gredos (Avila, Espainia) ingurura joango dira. Apirilaren 30ean, 14:45ean, aterako dira Intxixu jatetxeko aparkalekutik, Arenas de San Pedrora joateko.
Maiatzaren 1ean eta 2an mendi irteerak egingo dituzte, eta 3a Oiartzunera bueltatzeko baliatuko dute. Bidaiak 200 euroko prezioa izango du: autobusa, hiru gau hotelean, bi afari eta hiru gosari sartuko dira salneurrian.
Laboral Kutxaren kontu honetan izena eta abizenak adierazi behar dira, ehun euro aurreratuta: 3035 0126 63 1260032121.