Oiartzun Irratiak haurrei eskainitako txokoa emitituko du ostiralean
Ostiral eguerdian eskainiko dute. Herriko albisteen berri ematen dute egunero, eta lehiaketetan parte hartzeko aukera badagoela gogorarazi dute.
Konfinamendu garaian, Oiartzun Irratiak ondoan egoten jarraitzen du, komunikabide gehienok bezalaxe. Gogorarazi dutenez, herriko albisteen berri ematen dute egunean bi aldiz: 11:00etan eta 15:00etan.
Gainera, lehiaketa egiten jarraitzen dute, 12:30ean hasita. Ordu horretan dei daiteke 943 49 37 11 telefono zenbakira. Whatsapp bidez ere entzuleak harremanetan jar daitezke irratiarekin: abestiak eska ditzakete, mezuren bat bidali, ezagunen bat zoriontzeko baliatu… Telefono zenbakia, kasu horretan, honakoa da: 683 37 96 19.
Irratiak online emititzen duela gogorarazi dute, beraien webgunearen bitartez.
Haurren txokoa
Datorren ostiralean, haurrak protagonista izango dira Oiartzun Irratian. 11:45etik 12:30era haurren ahotsa entzun ahal izango da. Horretarako audio bat bidali beharko da whatsapp bidez (683 37 96 19). Bestela, zuzenean parte hartu nahi izanez gero, 943 49 37 11 telefono zenbakira dei daiteke.
Oiartzun Aurrea-ren ekimenez sortu da haurren txoko hori. Bideoan azaldu dute zein den asmoa.
