Oiartzunen, hamar bototatik sei EH Bildurentzat izan dira
Koalizio abertzaleak gora egin du pixka bat, EAJ jaitsi egin da, eta Elkarrekin Podemos-IUk duela lau urteko botoen ia bi heren galdu ditu.
Parte hartzeak ia dozena erdi puntu behera egin du.
Gaur egin dira Gasteizko Legebiltzarra osatzeko hauteskundeak, eta Oiartzunen ez da sorpresarik izan. EH Bilduk botoen %62,16 lortu ditu —2.916 guztira—, orain dela lau urte baino 66 gehiago. Abstentzioa ia sei puntu handiagoa izan da, eta %59,23koan kokatu da COVID-19ak baldintzatutako hauteskundeetan.
EAJk behera egin du, modu arinean, 150 bat boto galduta. Galera handiena Elkarrekin Podemos-IUk izan du: 2016an 644 boto lortu zituzten, eta gaur 240n geratu dira. PSE-EE 145etik 166ra igo da, eta PP+Ciudadanos formulak 52 boto besterik ez ditu lortu. Batuketa eskuindarrak ia ehun boto galdu ditu.
Equo-Berdeak izan da sailkapenean hurrena. 38 boto poltsikoratu dituzte. Berdearekin identifikatzen den alderdi ultraeskuindarrak, berriz, hamalau boto lortu ditu, alderdi animaliazaleak eta Aulki Zuriak zerrendak baino bat gehiago. Honela geratu dira emaitzak:
- EH Bildu: 2.916.
- EAJ: 1.227.
- Elkarrekin Podemos-IU: 240.
- PSE-EE: 166.
- PP+C’s: 52.
- Equo-Berdeak: 38.
- Vox: 14.
- Aulki Zuriak: 13.
- PACMA/ATTKAA: 13.
- Recortes Cero: 6.
- Bidezko Mundurantz: 3.
- Euskadiren aldeko Libreak: 2.
- Union Cristiano Democrata Español: 1.
