Udako igerilekuen bisitari kopuruarekin pozik dago Oiartzungo Udala
Uztailean eta irailean iazko hilabete horietan baino jende gehiago hurbildu da igerilekuetara. Abuztuan antzeko mantendu da kopurua.
Igandean itxi zuten udako igerilekua, eta gaur horren balantzea publiko egin du Oiartzungo Udalak. Pozik daude aurtengo denboraldiak eman duenarekin. Ohi baino motzagoa izan d, bi hilabete eta erdi iraun baititu —ohiko egoeran, hiru—. “Kontentu egoteko motiboak badaude”, ziurtatu du udal erakundeak.
“Baldintza zail hauetan, jendea animatu da udako igerilekura joaten”, ebatzi dute. 17.700 erabiltzaile izan ditu uztailaren 1etik irailaren 13ra bitartean. Iaz baino mila bat gutxiago izan dira, egun gutxiagoan.
Aurtengo uztailean eta irailean iazko hilabete horietan baino jende gehiago joan da (9.3000 lagun uztailean eta 2.300 irailean). Abuztuan antzeko kopurua mantendu da, 6.300 lagunekin.
Erabiltzaileen jarrera txalotu dute igerilekuko kudeatzaileek, orokorrean arauak errespetatu baitituzte. Hainbat neurri hartu behar izan dituzte osasun neurriak bermatzeko: sarrera-irteerak adierazi, aforoa mugatu, mahaien arteko distantzia handitu…