Antzerki eskolan matrikulatzeko epea, irekita
Hilaren 15era arte eman daiteke izena. 2021-2022 ikasturtean ere eskaintza zabala izango du antzerki eskolak. Saioa Aizpurua eta Lur Korta izango dira irakasleak.
Oiartzungo antzerki eskolak arte eszeniko horretan trebatzeko aukera emango du 2021-2022 ikasturtean. DBHko ikasleentzako, koskortuagoentzako zein helduentzako saioak emango dituzte.
Adinen arabera banatutako taldeen egun eta ordutegiak zehaztuta daude. Horietan matrikulatzeko epea hilaren 15era arte izango da.
Ordutegiak zein diren ikusteko, webgunetik pasatu behar da. Izena emateko, berriz, galdetegia bete beharko da.